2. Без рубрики, Конкурсы, конференции
«Абай және Шәкәрім оқулары» байқауы

Жыл сайын өтетін «Абай және Шәкәрім оқулары» байқауы қалалық мектептер арасында өтті.Негізінен 5-11 сыныптар аралығындағы оқушылар бақ сынасты. Байқаудың мақсаты :мектеп оқушылары арасында Абай мен Шәкәрім шығармаларын насихаттау және шығармашылық қабілетін, эстетикалық сезім, тұлғаның сезімталдық мәдениетін дамыту,оқушыларда адамгершiлiкке, демократияға, азаматтыққа бағытталған тарихтық ойшылдық, тұрақты өмірлік ұстаным, сана-сезім қалыптастыру, поэзияға сүйіспеншілік, Абайдың рухани мұраларына тәрбиелеу болып табылады.Қостанай қаласы әкімдігінің білім бөлімінің №2 мектеп лицейінде «Өлең-сөздің патшасы,сөз сарасы» номинациясынан бастау алса,С.Мәуленов атындағы гимназияда ««Көңілім әнді ұғады» — Абайдың, Шәкәрiмнiң әндерiн, күйлерiн орындаушылар бөлімі мен «Жүйріктен жүйрік озар жарысқанда» — жас дарындылар бөлімдері болды.
Қалалық білім бөлімінің басшысының орынбасары Гүлсім Әділханқызы қатасып отырды.Әділқазылық жасағандар: облыстық «Қостанай таңы» газетінің аға редакторы А.Ибраев пен тілші А.Қанғожин, республикалық «Егемен Қазақстан» газетінің Қостанайдағы меншікті тілшісі Н.Құлабаев, «Дарын ҒПО»КММ-нің басшысы Т.А.Айтмағанбетова,Музыка мектебіненмәдениет саласының үздігі Л.Шахметова,қалалық білім бөлімінен ҚӘБ жетекшісі Ж.Жумагулова. Мемлекеттік тілде оқитын оқушылар мен орыс мектебінен келген жас өрендеріміз Абай және Шәкәрім атамыздың әндерін нақышына келтіріп айтуда,өлеңдерін мәнерлеп оқуда және өз шығармашылығын жатқа айтуда алдына салмайтын оқушыларымыз іріктеліп облыста болатын байқауға жолдама алды. Байқаудың болғанынан боладысы қызық демекші,жетекші ұстаздарының еңбегінің шырайын шығарып мектебінің абыройын көтерген М.А.Есмагызам,Г.Қуанышова, А. Мадьярова,А.Мырзахан,Ж.Бейсен,К.Шаханова есімді жас өрендерімізге шығармашылық толағай табыстар тілейміз.

Жанар Жумагулова
6-10 сынып оқушылары арасында Қостанай қалалық «Qazaq epos» ағарту жобасы бойынша республикалық «Тұлпар мініп,ту алған!» байқаудың І кезеңі өтті.

2019 жылдың 24 желтоқсанында №28 мектеп-гимназиясында 6-10 сынып оқушылары арасында қалалық «Qazaq epos» ағарту жобасы бойынша республикалық «Тұлпар мініп,ту алған!» байқаудың І кезеңі өтті.Байқауға 13 білім беру ұйымдарынан алпысқа жуық оқушы қатысты.Байқаудың мақсаты: Қазақстан Республикасының бірінші Президенті «Болашаққа бағдар: рухани жаңғыру»,«Ұлы даланың жеті қыры» мақалаларында жүктелген міндеттерді жүзеге асыру,«Қобыланды батыр» жырын жатқа айту, жырда кездесетін көнерген сөздердің мән-мағынасын түсіндіру, қазақ әдебиеті пәнінің оқу бағдарламасы негізінде әзірленген сұрақтарға жауап беру керек.Үш кезеңнен сүрінбей өткен оқушылар саны он екі болса, бірінші орынға лайықты №115 орта мектептің 9 сынып оқушысы Адилет Марибеков болды Жетекшісі қазақ тілі мен әдебиеті пәнінің мұғалімі Сыздыкова Даржан Жумагазиевна. Адилет Марибеков дарынды оқушымыз облыста өтетін байқауға жолдама алды.Жүлдеге ие болған оқушыларды қалалық білім бөлімінің қазақ тілі мен әдебиет секторының басшысы Жанар Жумагулова марапаттады.

Жанар Жумагулова
«Бауыржан оқулары» байқауы

Ұлы Отан соғысының атақты жауынгері, аңызға айналған қолбасшы, халық батыры, көрнекті қазақ жазушысы Бауыржан Момышұлының туған күні. Қостанай қаласындағы батыр атамыз атымен аталатын мектепте 2019 жылдың 20 желтоқсанда «Бауыржан оқулары» байқауы өтті.Үшінші жыл қатарынан өткізіліп отырған байқаудың мақсаты «Бауыржан Момышұлының шығармашылығын насихаттау призмасы арқылы қатысушылардың Отанға, оның тарихи өткеніне сүйіспеншілік сезімін дарыту үшін бағытталған» болып табылады.«Жас автор», «Жас мәнерлеп оқушы», «Суретші-иллюстратор», «Жас оператор» секциялары бойынша Қостанай қаласының мектептерінен 122 оқушы қатысып 28 оқушыларымыз үздік деп саналып қалалық білім бөлімінің басшысының мақтау қағаздарымен марапатталды.Бұл байқау несімен есте көпке дейін сақталып қалады? Өйткені «сегіз қырлы,бір сырлы» жеңімпаздарымыздың саны көп болса,сол мектепке «Ең үздік мектеп» деген кубокты тарту етеді.Өткен жылы А.М.Горький атындағы гимназия иеленсе,биыл Б.Момышұлы атындағы №5 мектептің дарынды да,білімді де өнерлі оқушыларының асығы алшысынан түсіп «Ең үздік мектеп» кубогын қалалық білім бөлімінің қазақ тілі мен әдебиет секторының басшысы Ж.Жумагулова табыстады.

 

 

 

 

Жанар Жумагулова
«Қазақ тілін латын әліпбиінде оқытуда оқылым дағдыларын дамыту жұмыстарының тиімділігі» тақырыбында қалалық қазақ тілі мұғалімдеріне қашықтықтан коучинг

«Қостанай қаласы әкімдігінің білім бөлімі» ММ 2020 жылға арналған жұмыс жоспарына сәйкес «Қазақ тілін латын әліпбиінде оқытуда оқылым дағдыларын дамыту жұмыстарының тиімділігі» атты қазақ тілі мұғалімдеріне қашықтықтан коучинг өтті.№1 мектеп-лицейіндегі қазақ тілі әдістемелік бірлестік жетекшісі Э.Е.Рахимова өткізді.Қазір тіл жанашырлары үшін өзекті мәселе қазақ тілін латын әлібиі негізінде тиімді оқыту болып отыр. Коучингта қазақ тілін оқытуда қолданылатын оқылым дағдысын латын әліпбиі негізінде оқыту сөз болуда.Оқылым-негізі коммуникативтік дағдылардың бірі болып саналады.Э.Е.Рахимова жұмысында оқушылардың оқылым дағдыларын дамытуға ықпал ететін тапсырмалар үлгілерімен көптеп таныстырды. Бұл тапсырмалар арқылы оқушылар мәтіннің негізгі ойы мен бөліктерін анықтай отырып оқиды, мәтінге ауызша және жазбаша шолу жасай алатыны берілген. Оқылым дағдыларын дамытуға арналған бірнеше тапсырмалар үлгісін ұсынған.Латын әліпбиіне көшуге кірісуіміз керектігін және болашақта барлық саладағы іс-қағаздар мен оқулықтар да осы қаріппен жазылуы тиіс екені нақты айтылған. Ұсынылған жұмыстар өте пайдалы және қызықты. Оқылым стратегияларымен бөлісті.Мысалы: «Жылдам кездесу», «Ойланыңыз,жұптасыңыз, бөлісіңіз», «Піспеген модель», «Белсенді түрде модельдеу», «Стоп кадр», «Кітап оқу кезіндегі саяхат», «Ақпараттағы олқылықтар», «Графикалық органайзерлер», «Оқиға картасы» (тарих картасы), «Торлы диаграмма» (радиальді диаграмма) т.б.Тіл жанашырлары түсіндіру жұмыстарын жаңаша әдіс – тәсілдер арқылы үнемі сабақтарында пайдаланып отырса,латын әліпбиін болашақта тез меңгертеміз деп ойлаймыз.«Қазақ тілін латын әліпбиінде оқытуда оқылым дағдыларын дамыту жұмыстарының тиімділігі» Рахимова Э.Е.

Жанар Жумагулова
Латын әліпбиіне көшу- бастауыш сынып тәжірибесінде

«Қостанай қаласы әкімдігі білім бөлімінің Ғ. Қайырбеков атындағы №9 орта мектебі» ММ-де «Латын әліпбиіне көшу- бастауыш сынып тәжірибесінде» тақырыбында эксперимент жетекшісі М.А.Ергалиеваның ұйымдастыруымен өткен семинарға Қостанай қаласының мектептерінен тіл маманы мен ҚӘБ жетекшілері қатысты.

Семинардың жүрг.жұмыстарыСеминар городской 24.02.20

Жанар Жумагулова
Қазақ тілі әліпбиін латын графикасына аудару» қазақ тілі мен әдебиеті мұғалімдерінің қалалық семинары

Қазақ тілі әліпбиін латын графикасына аудару»
қазақ тілі мен әдебиеті мұғалімдерінің қалалық семинары 2020 жылдың 8 сәуірінде қашықтықтан өтті. Семинарды «Қостанай қаласы әкімдігінің білім бөлімінің физика-математикалық лицейі» ММ-нің қазақ тілі мамандары ұйымдастырды. Семинарға жүзден астам ұстаздар қатысып отырды.

ФМЛ-семинар Қазақ тілі әліпбиін латын графикасына аудару

Жанар Жумагулова
Озық тәжірибе мектебінің (ОТМ) отырысы Қостанай қаласында қашықтықтан өтті.

Озық тәжірибе мектебінің (ОТМ) отырысы Қостанай қаласында қашықтықтан өтті. ОМ№7 (Ш.М.Омарова),ОМ№19 (Г.К.Бейсембаева),ОМ№115 (Д.Ж.Сыздықова) тіл мамандарының озық педагогикалық тәжірибесімен танысу мақсатында ОТМ отырысы қашықтықтан шебер-сыныбын өткізді.ОТМ шебер-сыныб жұмыстары ІІ отырыс.урок шпо

Жанар Жумагулова
Озық тәжірибе мектебінің (ОТМ) отырысы

«Оқушы –толтыратын құмыра емес, тұтататын алау»,- деп Д.Хорвард айтқандай, шәкірттерімізге сапалы білім беру, біздің міндетіміз.

Қостанай қаласы әкімдігінің білім бөлімінің №7 орта мектебінде қалалық озық тәжірибе мектебінің (ОТМ) отырысы болып өтті. Қалалық білім бөлімінің қазақ тілі мен әдебиет секторының басшысы Ж.Д.Жумагулова кіріспе сөз сөйлеп,озық тәжірибелерімен бөліскелі отырған әріптестеріне сәттілік тіледі. Қаламыздың №19 орта мектебінен Г.К.Бейсембаева «Білім берудің жаңартылған мазмұны бойынша қазақ тілі мен әдебиет сабақтарында оқушылардың функционалдық сауаттылығын қалыптастыру»; №7 орта мектебінен Ш.М.Омарова «Қазақ тілі мен әдебиеті сабақтарында қалыптастырушы бағалауды жүйелі қолдану – табысқа жетелейтін баспалдақ»; №115 орта мектебінен Д.Ж.Сыздыкова «Оқушылардың жеке қабілеттері мен ойлау дағдыларының деңгейлеріне сәйкес саралау стратегияларын қолдану» тақырыбында жазған жұмыстарын қазақ тілі мен әдебиет пәнінің мұғалімдері таныстырып пікір алмасып,ой бөлісті.ОТМ през.жұмыстарыІ отырыс семинар 19 школа

Жанар Жумагулова
«Жаңартылған білім мазмұны аясында заманауи технолгия және заманауи оқыту әдістерін пайдалану арқылы бастауыш мектептің сабақ беру тиімділігін жоғарлату

Жаңартылған білім мазмұны талаптарын іске асыру үшін, сабақ барысында педагогтармен сабақ беру әдістері мен белсенді формалары және заманауи технологияларымен тәжірибе бөлісу болып табылатын «Қостаанай қаласы әкімдігінің білім бөлімінің №13 негізгі жалпы білім беретін мектебі» мемлекеттік мекемесінде қалалық бастауыш сынып мұғалімдерінің ӘБ отырысы болып өтті.

Баст.сынып мұғалім.ӘБ бағд.ООШ №13 городской семинар нач.кл

Жанар Жумагулова
Қалалық «Латын тілі – қазіргі заман талабы» атты қазақ тілі мұғалімдерінің қашықтықтан семинар өтті.

«Қостанай қаласы әкімдігінің білім бөлімі» ММ 2020 жылға арналған жұмыс жоспарына сәйкес «Латын тілі – қазіргі заман талабы» атты қазақ тілі мұғалімдерінің қашықтықтан семинар болды.№3 мектеп-гимназиясының қазақ тілі әдістемелік бірлестігінің жетекшісі Какимжанова Гульнара Сапабекқызының ұйымдастыруымен өткізілді.
Қалалық мектептердің тіл мамандары өз жұмыстарында латын әліпбиіне көшу туралы әрі оның пайдалы, тиімді жақтарын алға тартуда.Қалалық білім бөлімінен қазақ тілі мен әдебиеті секторының жетекшісі Жумагулова Жанар Дүйсембайқызы қатысып,жүргізіп отырды.№3 мектеп-гимназиясының тіл мамандары ұсынған жұмыстарды зерттеп, жіті танысып шығып,ұсынылған ақпаратпен толықтай келісетін әріптестеріміз жетерлік.Ендеше Тұңғыш Елбасымыздың латын қарпіне көшу бағдарламасының ғұмыры баянды болғай дейміз.

МГ№3 «Латын қарпіне көшу» семинардың бағд»3 МГ, 

 

Жанар Жумагулова